Mələkxanım Əyyubova şəhid övladları ilə bir araya gəldi

Mələkxanım Əyyubova şəhid övladları ilə bir araya gəldi

“166 Yükdaşıma və Logistika” şirkəti hər ay olduğu kimi, bu ay da 44 günlük Vətən müharibəsində canından keçən şəhidlərimizin ailələrini və qazilərini diqqətdə saxlamağa davam edir. Şirkət bu dəfə 20-dən çox şəhid ailəsi və övladı ilə bir araya gəlib.

“Qafqazinfo” xəbər verir ki, onlar öncəliklə şirkətin müxtəlif sahələri ilə uşaqları tanış edərək, gələcəkdə seçəcəkləri peşələri yaxından tanıtdırıblar.

Daha sonra isə sevilən xanəndə, Xalq artisti Mələkxanım Əyyubova şəhid övladları ilə bir araya gəlib, onlarla birgə mahnı oxuyub, rəqs edib, oyunlar oynayıb. Keçirilən görüşdə xatirə fotosu da çəkilib. Xalq artisti və şirkət rəhbərliyi balacalara hədiyyələr təqdim edib.